Pcela Info

Еве како дизајнерите ја замислуваат иднината на пчеларство. Според концептот на Филипс иднината му припаѓа на урбаните пчелари кои во удобноста на својот дом одгледуваат пчели за мед.

Дизајнерите на холандската компанија Филипс ја дизајнираа оваа т.н. Урбана кошничка за пчели со помош на која секој може да биде пчелар и да произведува мед во својот дом. Кошничката со футуристички изглед од еднатастрана има мала градина со цветови, додека на другата е живеалиштето на пчелите направено од стакло каде има и отвор за запрашување.

Додека дизајнот на кошничката е навистина уникатен во јавноста се поставија прашањата дали ваква направа би била безбедна и практична, но иако овој концепт изгледа како неостварлива утопија, тоа не е единствена модерна направа достапна за денешните урбани пчелари. Во продолжение ви претставуваме два вида модерни кошнички кои во моментов ги користат урбаните пчелари во светот, кои произведуваат мед во дворовите и покривите од нивните живеалишта во големите европски градови.

Куќа за пчели (Бихаус) дизајнирана од Јоханес Пол

Како и Бихаус, се повеќе и повеќе се дизајнираат пластични кошници кои можат да се чуваат на терасите, покривите или дворовите во големите градови. Таков пример се и овие пластични кошници кои се користат во Британија.