Pcela Info

Група научници од Северна Калифорнија тврдат дека ја пронашле можната причина за намалувањето на светската популација на пчели - смртоносна паразитска мува која ги запоседнува телата на пчелите.


Научниците велат дека мувата ги положува јајцата во абдоменот на пчелата,  со тоа предизвикувајќи инфектираната пчела да се однесува како зомби, вртејќи се наоколу во круг без чувство за ориентација во просторот. Вака инфектираната пчела ја напушта кошницата во текот на ноќта и набрзо потоа умира.

Новооткриениот вид муви-паразити се од видот Phoridae, нивното латинско име е apocephalus borealis, а биле пронајдени во три-четвртини од 31 кошница која била испитувана во крајбрежниот регион на Сан Франциско.
 

Заради инфекцијата предизвикана од овие муви во испитаните случаи се случувало сите возрасни пчели во колонијата одеднаш да исчезнат. Болеста предизвикува голема загриженост, а нејзината присутност е особено алармантна во Калифорнија каде пчелите имаат битна улога во милионската прехрамбена индустрија.

Студијата за новиот вид муви кои се фатални за пчелите, направена од научниците во Калифорнија, беше објавена во научниот журнал PLoS ONE.

Повеќе за болести и паразити